Die Here sal julle seën en julle beskerm!

My Hemelse Vader, God van Hoop en God van Genade.

Here God, baie dankie vir die geskenk van 'n nuwe dag. Baie dankie vir die geleentheid om vandag ons pad saam met U te loop en te doen wat U vir ons beplan het. Her dankie dat ons almal gesond kon wakker word en dat ons die nuwe dag as 'n gesin kan aandurf.

Here ons tyd word reg oor die wereld gekenmerk deur swaarkry en dan ook die depresie wat daarmee saam gaan. Here vandag wil ek vra dat U elkeen van my gesin en my familie en al ons spesiale vriende sal beskerm teen gevoelens van negatiwiteit en depressie en frustrasie.

Mag ons vas hou aan die woorde van die bekende lied, Ons is almal hier te saam: "Tot die dood was Hy getrou en daarom is ons nou Sy eiendom." Here mag ons vas hou aan U beloftes wat U aan ons gemaak het.

Here maak ons vry van vrees en ander negatiewe emosies wat ons na onder trek. Here gee dat ons siels geluk en vrede in U sal ontdek.

Vader herorganiseer vandag ons prioriteite vir ons sodat ons dit kan doen wat vir U belangrik is. Here vandag spreek en die volgende skrif uit oor my gesin en familie en vriende:

"Die Here sal julle seën en julle beskerm; die Here sal tot julle redding verskyn en julle genadig wees; die Here sal julle gebede verhoor en aan julle vrede gee." (Numeri 6:24-26)

Amen.