Moses in die mandjie...

Ons Pappa Vader kom maak ons heel, Hy kom
ons versterk.

Ons Moses in die mandjie is nou
op 'n veilige plek.

Hy roep Sy Seuns, staan op my Bruid,
uit tragedie word gebore: Heerlikheid!

Vanaf jou eerste hartklop!

Vanaf jou eerste hartklop was jy ongewoon,
Spesiaal,
‘n geskenk pakkie uit die boonste rakke!

Skielik!
Soos wat jou koms ons verras,
Vang jou uittog ons onkant.

Ek weet dat jy op ‘n beter plek is,
Tien duisend keer dank ek ons God daarvoor!
Maar die rede vir my hande vol trane;
Die oorsaak van my bloedbelope hart is dit:

Hoe lank nog?
Hoe lank nog voor ek jou weer sien?
Hoe lank nog weer kan gesels?
Hoe lank nog?

Ek sluit my oë
En voor my sien ek jou gesig,
En so wil ek jou onthou:
Jou oë wat lag,
Jou tong wat uitsteek,
Jou lag wat in my ore weergalm;

Jou siel wat oorkook van vreudge!

Jou hart is waar jou skatte is.
Jou huis is waar jou hart is.
My liefste broer dan is ek op die heel verkeerde plek.

Here Help Here gee vir my die krag om weer op te staan.
Here nog nooit het ek so baie na U huis verlang.

Pappa God hoor my tog,
Ek staan verslae,
Ek verstaan nou glad nie.
Die rede agter hierdie tragedie mag verberg bly.
En al sou U my wys, watse verskil maak dit tog
Dit sal my nie nader bring aan my huis.

Jou hart is waar jou skatte is.
Jou huis is waar jou hart is.
My liefste broer dan is ek op die heel verkeerde plek.

Here Help Here gee vir my die krag om weer op te staan.
Here nog nooit het ek so baie na U huis verlang.

In Christus groet ons net tydelik.
In Christus kom ons nooit tot ‘n einde.
So liefste ek sal vas hou aan ons Jesus,
Ek sal vas hou met alles wat ek het.

Sodat ek jou weer kan sien
Sodat ons weer kan gesels,
Sodat ek weer kan lag,
Sodat ons weer saam kan tong uitsteek.

Sodat my siel weer sal oorkook van vreugde.

Jou hart is waar jou skatte is.
Jou huis is waar jou hart is.
My liefste broer dan is ek op die heel verkeerde plek.

Here Help Here gee vir my die krag om weer op te staan.
Here nog nooit het ek so baie na U huis verlang.

Here Help Here gee vir my die krag om weer op te staan.
Here nog nooit het ek so baie na U huis verlang.

Dankie dat julle my kom regop tel het!

More oggend ry julle
More oggend verruil ek weer een hartseer vir ‘n ander.
Die een meer bekend as die anner…
Dankie dat julle hier by my kom draai het.
Dankie dat ek julle na al die jare weer kon leer ken het.

Dankie dat julle my siel kom verbind het.
Dankie dat julle my hart kom heel maak het.

Dankie dat julle die spinnerakke en stof kom afstof het.
Dankie dat ons saam kon luister na Skipskop en die Little Drummer boy.
Dankie vir glasies geklink op Boggom en Voetsek.
En baie dankie vir insette in julle klein seun se lewe gelewer.

Soos ek groet breek my hart,
Ek wens dit kon anders wees,
Ek hoop ek het reg gekies.

Dankie vir “hanne” wat kom help het en ore wat kom luister het.
Dankie vir harte wat liefde kom uit stort het.
Die voorreg was groot,
die eer om julle to kon verwelkom het jare van self verwyt oor die verlede laat kwyn.

Dankie dat julle my siel kom verbind het.
Dankie dat julle my hart kom heel maak het.
Dankie dat julle my kom regop tel het.
So baie dankie dat julle na dit als nog steeds geloof in my het.