Liefste Maatjies

Die Here het my gelei om 'n internet bediening te begin. Dis in Engels om die spektrum van mense wat ons kan bereik te vergroot. Al die dag stukkies wat daarop gepubliseer gaan word, sal ook wel in Afrikaan hier op Libby Bid gepubliseer word.

Die bediening se naam is Nehemiah - Consoled by God. En dis hoe ons by hierdie naam uitgekom het:

Die Here het my roeping tot hierdie internet bediening bevestig op 20 Julie 2008. Die Here het my gelei om die volgende gebend te bid:

"Hemelse Koning, Vader van onbeskryflike en oneindige genade, baie dankie Here dat ek vannaand hier aan U voete mag kom sit en mag dankie se vir hierdie geleentheid wat U aan my gebied het, Here U het my ‘n kans gegee om nog nader aan U te leef, nog meer soos Jesus te word en U nog meer volkome te vertrou.

Koning God, gee my die wysheid om in hierdie tyd die regte besluite te neem, Vader gee my die nodige stilte en vrede om U stem te hoor en U wil te doen en letter vir letter U wense na te volg

Vader gee my die geduld en goeie oordeel om dinge op die regte manier te doen. Here gee my ook die energie en die entoesiasme en krag wat ek nodig het om hierdie twee projekte wat U in my skoot kom neerlê het aan te pak.

Vader gee my ook die deursetting vermoë om deur te druk en ‘n sukses van hierdie geleenthede te maak. Vader ek vra nou vir U, vergewe al my sondes wat nog tussen my en U staan. Vader ek is innig jammer oor die tye wat ek buite U wil beweeg het . Here Jesus, reining my was my silver skoon en here poets my skitter blink so dat U my as nuut gemaakte trompet kan gebruik om U woord uit te basuin. Here speel my volgens U gekose wysie, en nie my wysie nie

Vader voor ek hier op my knieë voor U kom sit het, was ek besig om te werk aan die name en struktuur vir beide projekte, Vader wys my die name wat U gekies het Vader. Here God, praat met my, ek wil U hoor.
Amen.

EK het toe my Bybel, my Engelse vertaling op Nehemia oop gemaak en die Here het die versie vir my gegee:

Neh 1:17 and 18: “Then I said unto them, I see the distress that we are in, how Jerusalem lieth waste, and the gates thereof are burned with fire: Come and let us build up the wall of Jerusalem, that we be no more a reproach. Then I told them of the hand of my God which was good upon me; as also the king’s words that he had spoken unto me. And they said: “Let us rise up and build.” So they strengthened their hands for this good work.”

Dis 'n wonderlike bevestiging, Hy het my gestuur en Hy het die naam Nehemiah – Consoled by God vir die bediening gekies.

Kom loer in op: http://nehemiah.blogetery.com